Գր. Զոհրապի <<Այրին >> նորավեպի ուսուցումը
Այս նյութի ուսուցման նպատակով իբրև տնային աշխատանք հանձնարարում եմ կարդալ Զոհրապի <<Այրին>> նովելը: Դասը սկսում եմ զրույցով, թե արևմտահայ որ հեղինակների, բանաստեղծների գործերին են ծանոթ :Հիշում ենք հատվածներ , բանաստեղծություններ :Դասարանում կարդում եմ <<Այրին>>նորավեպը,որովհետև այն հասկանալի է դառնում , երբ քո անձնական հույզը, տրամադրությունը փոխանցվում է սովորողներին:Այնուհետև տալիս եմ առաջադրանքներ:Հասկանալի է`բոլորը միևնույն անձի համար պարտադիր չեն. Սովորողներից յուրաքանչյուրն ընտրում է մտածելու , ընկալելու իր առանձնահատկություններին համապատասխան մի բան:
Ուշադրություն ենք դարձնում պատմվածքի կառուցվածքին:Այդ պատճառով դասարանը բաժանում եմ խմբերի և հանձնարարում եմ պատմվածքը բաժանել մասերի և վերնագրել :
Մի խմբին հանձնարարում եմ հատվածի մեկ տողը կամ արտահայտությունը դարձնել վերնագիր, մյուս խմբին` գտնել միանգամայն նոր վերնագիր,որ արտացոլի տպավորությունը, իսկ երրորդ խմբին հանձնարարում եմ գրի առնել չասվածը, իսկ վերջին խմբին հանձնարարում եմ իրենց կարծիքը հայտնել.<<…այն բարակ պահարանին մեջեն ելլող քառածալ թուղթի կտորը անխուսափելի պարսավ մըն էր, ուսկից ակամա կամչնար.այդ անզգա փոքրիկ սուրհանդակը ընտանի և անողոք մարդու կերպարանք կառներ և զինքը կը հանդիմաներ:Ո՜րչափ արժանի էր այս հանդիմանությանց…>> տողերի մասին:Բերում եմ նաև այլ հատվածներ:
Այնուհետև օգտագործելով հեղինակի բնորոշումները՝ բնութագրում ենք հերոսին, նրա արտաքինը, բնավորության գծերը, էությունը:Ըստ կրթական նոր պահանջների խրախուսվում է տեխնիկական միջոցների կիրառումը:Դա նոր և արդիական շունչ է հաղորդում դասին:Այդպիսի դասերը տպավորիչ են , ու կարծում եմ երկար են հիշվում:Հանձնարարում եմ , որ մի հատված վերածեն դրամայի,կինոսցենարի,նկարեն որևէ դրվագ և վերնագրեն:Այնուհետը սովորողներիս ինքնուրույն մտածողության մղելու նպատակով դասը շարունակում եմ <<Բանավեճ>>մեթոդով:
Ա. ի՞նչ է պանդխտությունը:
Բ.Ի՞նչ ընդհանրություններ եք տեսնում այսօրվա մեր կյանքի և նորավեպում նկարագրածի մեջ: Ի՞նչ բնույթի են դրանք` սոցիալակա՞ն, քաղաքակա՞ն , հոգեբանակա՞ն
Գ .Դուք դատապարտու՞մ եք գնացողներին:
Դասի ժամանակ օգտագործում եմ պրոյեկտորը, իսկ սովորողները՝ համակարգիչը: Դիտում ենք նաև կրթահամալիրի սովորողների ստեղծած մեդիանյութերը`<<Մագթաղինե>>. <<Ռեհանը>> :
Նման բանավեճերը նպաստում են ժողովրդավար պետության, քաղաքացիական հանրության ազատ մտածող, ինքնուրույն որոշումներ կայացնող քաղաքացու ձևավորմանը
Կարինե Թահսիլդարյան 